Изгаснати пожарите кај Кочани
Рано изутринава целосно се изгаснати пожарите што вчера избувнаа на неколку локации во ридско-планинскиот дел над Кочани, со што е отстранета опасноста огнот да зафати куќи и други објекти во близина.
Повлечени се припадниците на службите и граѓаните кои учествувааа во гаснењето, а откажано е и договорената интервенција на хеликпотери на АРМ.
По увидот што службите од локалната самоуправа на Кочани го направија на теренот, констатирано е дека целосно е изгорена борова, багремова и друг вид шума на површина од над 150 хектари.
– Огнот остави пустош зад себе, направена е огромна материјална штета што допрва ќе се проценува, а таа посебно се однесува на зимзелената шума што е подигана со децении и претставуваше заштитен зелен појас на градот. За среќа немавме последици по човечките животи, а успеавме да ги спасиме и куќите кои беа на стотина метри од огнената стихија. Упатувам благодарност до сите кои учествуваа во гаснењето и помогнаа да избегнеме поголема катастрофа, истакна градоначалникот на Кочани, Николчо Илијев.
Во гаснењето на пожарот до доцна во ноќта учествуваа екипи на територијалните противпожарни единици од Кочани, Штип, Виница и Македонска Каменица, вработени во „Национални шуми“, комуналното претпријатие „Водовод“, припадници на полицијата, месно население, а беше ангажиран и хеликоптер на АРМ.
Како превентива од повторна појава на пожари, на неколку локации околу Кочани денеска ќе има дежурни екипи и цистерни на комуналното претпријатие, кои ќе интервенираат доколку има потреба.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас