Американскиот секретар за одбрана Џејмс Матис в понеделник во Скопје
Американскиот секретар за одбрана Џејмс Матис в понеделник пристигнува во официјална посета на Македонија, потврди попладнево македонската Влада.
Делегацијата на САД предводена од Матис ќе биде свечено пречекана на Меѓународниот аеродром „Скопје“ и на платото пред Владата на Република Македонија.
Матис ќе има средба со премиерот Зоран Заев, со министерката за одбрана Радмила Шекеринска, а потоа е предвидено заедничка изјава за медиумите.
И самиот Матис претходно оваа недела најави дека ќе ја посети Македонија за да изрази јасна поддршка за претстојниот референдум за прашањето за името, но и загриженост поради можното мешање на Москва во процесот.
- Ќе одам да ги посетам нашите македонски пријатели и јасно ќе ставам до знаење дека САД го поддржуваат македонскиот народ, рече Матис во изјава за новинарите во Пентагон.
Матис истакна дека е загрижен дека Русија би можела да се обиде да се вмеша во референдумскиот процес во Македонија.
- Ако имате гласање, Москва ќе се меша. Јас сум загрижен за тоа. Такво мешање Русија практикуваше од Естонија до САД, од Украина и сега до Македонија, секогаш се прилагодува на конкретната ситуација, рече тој.
Прв пат во изминатите 14 години американски секретар за одбрана е во посета на Македонија.
- В понеделник во посета ни доаѓа првиот човек на Пентагон, првиот човек на најмоќната армија во светот Џејмс Матис, што се случува првпат во последните 14 години. Заборавивме како изгледа посета на министер или секретар за одбрана на САД, иако оваа држава е наш стратешки политички и воен партнер. Тоа покажува колку е голем интересот за нас и поддршката за она што ние го сработивме во последната година, изјави завчера министерката Шекеринска.
Ново на Сител
-
Почина управителот на дискотеката „Пулс“ кој беше на лекување во Литванија
-
Запрена истрагата против управителот на дискотеката „Пулс“
-
Се води постапка против полицаецот кој не дозволи да се крене возилото на велосипедска патека
-
Мицкоски и Филипче отворени за лидерска со други партии, ДУИ обвинува за моноетнички состанок
-
Индиректните ефекти од царините на Трамп ќе ја погодат македонската економија
-
Руте: Тарифите на Трамп не го прекршуваат договорот за НАТО
-
Кешишев: Дупката за Вања ја копаа пред да биде убиена
-
Директорката на инспекторатот за животна средина го демантираше градоначалникот на К. Паланка: Немаше цијанид во Крива Река