Почина управителот на дискотеката „Пулс“ кој беше на лекување во Литванија

Пожарот во Кочани ја зеде 60-тата жртва. Во Литванија каде беше испратен на лекување почина управителот на дискотеката “Пулс” Александар Карaдаковски. Имаше 29 години. Во трагедијата се здобил со тешки изгореници на главата, вратот и рацете со длабочина од 2 и 3 степен. Првично го лекувале во Старата градска болница, а утредента на 17-ти март поради влошување на состојбата со медицински авион бил префрлен во литванскиот медицински центар каде утринава им подлегнал на повредите. Според лекарите причина за смртта е директно оштетување на дишните патишта од вдишаниот пламен.

- И заради чадот кој го вдишал доаѓа до оштетување на внатрешните дишни органи што е потврдено и од колегите од Литванија во разговор со нашите анестезиолози при брифирање за состојбата на паицнетот, што редовно се одвуваше на секој ден или два. Утврдено е со броинхоспско испитување дека е оштететно голем дел од бронхоскопското стебло и како последица на тоа доаѓа до влошување на состојбата што резултирала со подлегнување на повредите, рече д-р Небојша Настов, директор на Клиниката за хируршки болести “Свети Наум Охридски”.

- Тој беше најтешкиот пациент од оние кои се лекуваа во странство.На 1 април му откажале бубрезите, беше ставен на дијализа, имаше температура. Практично рани на приближно 36 отсто на телото, од втор и трет степен што остава простор за појава на инфекции, плус изгореници на дишните патишта од 90 проценти што не обезбедуваат содветна размена на гасови, рече Арбен Таравари, министер за здравство.

Обвдукцијата на телото ќе биде направена на Институтот за судска медицина во Скопје, а транспортот од Литванија ќе гои организира државата. 

Министерот за здравство информираше дека денеска во стабилна здравствена состојба во Македонија ќе се вратат 6-мина од повредените по двајца од Бугарија, Унгарија и од Шпанија. Во странските центри на лекување остануваат 69 пациенти. 20-тина биле интубирани и приклучени на апарати за дишење, а тројца се многу критични

- Надвор од државата генерално повеќето се во стабилна и добра состојба, се најавуваат повеќе пацинети кои ќе се вратат во наредните 3-4 дена, рече Таравари.

Во Македонските болници на лекување остануваат 9 пациенти. 

Според информациите од здравствените власти во големата трагедија во Кочани беа хоспитализирани 193 повредени, 118 се пуштени на домашно лекување.