Директорката на инспекторатот за животна средина го демантираше градоначалникот на К. Паланка: Немаше цијанид во Крива Река

Нема цијанид 100 пати над дозволеното во Крива Река. Директорката на Државниот инспекторат за животна средина го демантираше градоначалникот на Крива Паланка. Го обвини дека ширел паника меѓу населението, а ќе размислела дополнително дали ќе поднесе кривична пријава против него. Инаку, на Булмак 2016 е изречена најголемата казна од 180.000 до 200.000 евра, и 10.000 евра за одговорното лице. 

Компанијата потпиша спогодба и предметот е предаден на Комисија за спогодување. Дали и колкава штета е извршена врз животната средина откако пукна цевката и се предизвика еколошки инцидент, ќе се чека да покажат анализите кои ги прават надворешни стручни лица.