Руте: Тарифите на Трамп не го прекршуваат договорот за НАТО

Американските царини не го кршат договорот за НАТО, тврди Руте. Иако членот 2 од Северноатлантскиот договор, предвидува дека сојузниците на НАТО „ќе настојуваат да ги елиминираат конфликтите во нивната меѓународна економска политика и ќе ја охрабруваат економската соработка“, генералниот секретар на Алијансата вели дека тарифите треба да се гледаат како одвоено прашање и нема да влијае врз способноста на членките да го зголемат буџетот за одбрана. 

„Состаноците кои ги имавме овие два дена се фокусиравме на тоа да се осигураме дека ќе ја одржиме територијата на НАТО безбедна, затоа не ги коментирам тарифите. Во право сте, тоа е предвидено во членот 2 од договорот, но и покрај тоа, сме виделе и во минатото дека се водат разговори помеѓу членките на Алијансата и на други прашања, покрај безбедноста, што не влијаат врз способноста  на членките да испорачаат за заедничката безбедност. Мислчам дека овие тарифи се одвоено прашање и треба да ги држиме како одвоено прашање и да не дозволиме да се мешаат во нашите разговори, вели Руте 

Откако САД побараа земјите членки на НАТО да одвојат 5% од БДП за одбрана, македонскиот министер Муцунски кој присуствува на дводнените разговори во Брисел, вели дека ваквото барање е оправдано, а Македонија останува посветена на заедничката безбедност. 

Петте проценти можеби не се остварливи преку ноќ, но мораме да продолжиме со инвестициите во нашите одбранбени индустрии, мора да продолжиме со инвестициите во нашите воени капацитети и тоа е правилната траекторија по која сите мора да се движиме. Верувам дека американската Влада е посветена на мир, но како претставник на една од помалите држави на масата, но и земја која е една од најголемите донатори по глава на жител на помош на Украина, можам да кажам дека помошта за Украина во различни форми секогаш беше поврзана со нашата одбрана, украинската одбрана, но исто така и со постигнување мир – рече Муцунски.

На дводневните состаноци во Брисел, НАТО Алијансата одбележа и 76 години од основањето, со пораки од американскиот генерален секретар Марко Рубио дека САД остануваат посветени на НАТО, но очекуваат Европа и Канада да превземат поголема обврска за заедничката безбедност.