Во Буенос Аирес 90.000 домаќинства без струја поради високи горештини

Деведесет илјади домови во аргентинскиот главен град Буенос Аирес останаа без елекрична енергија откако се преоптовари мрежата за пренос на енергија заради големите горештини.

Во тој  град и околината температурите се над 33 степени  Целзиусови, а потребите за електрична енергија за еден ден достигнаа 23.727 мегавати. Таа цифра е речиси иста како и на 20 јануари лани кога дневната потреба беше 24.034 мегавати.

Метеоролози најавија високи температури и во следните неколку дена.