Нови енергетски фасади за романските кули во Карпош

Три објекти, познати како романски кули, во населбата Тафталиџе 2 ќе добијат нови енергетско-ефикасни фасади.

- Продолжуваме со изработката на енергетските фасади, при што овој пат работиме на улицата „Женевска“ каде ги реконструираме таканаречените романски фасади на трите објекти со број 6, 8 и 10. Целата инвестиција, која е обезбедена од локалната самоуправа, чини 14.300.000 денари и ја изведува градежната фирма „Гермак“, истакна градоначалникот Стевчо Јакимовски.

Тој појасни дека годинава е планирана 41 фасада за реконструкција. Со овие три објекти, како што рече, општина Карпош е на повеќе од половина пат во обновувањето. Фасадите се очекува да бидат готови до декември 2016 година.