Јанакиески предизвика смеа во судот - На посетителот на Груевски му се обрати со зборовите: Јадеше гулаш, а?

Обвинетиот екс министер, Миле Јанакиески, на почетокот од денешното рочиште за насилствата во Општина Центар се пошегува со обвинетиот во истиот предмет, Александар Трајковски, кој неодамна беше фотографиран со избеганиот екс премиер, Никола Груевски, објави Фокус.

„Јадеше гулаш, а?”, му рече Јанакиески на Трајковски што предизвика смеа во чекалницата.

Против Трајковски беше покрената дисциплинска постапка во Царинската управа каде е вработен, по што тој беше прераспределен на друго работно место. Тој и уште едно лице вработено во Управата беа фотографирани во присуство на екс премиерот, Никола Груевски, во Будимпешта по што Царината отвори постапки за отуство од работа.