Информативни центри за превенција на СВР Штип во општините Чешиново Облешево и Зрновци

Отсекот за превенција при СВР Штип денеска отвори Информативни центри за превенција  во општините Чешиново Облешево и Зрновци.

Целта е, појаснуваат надлежните од СВР Штип, со  отворените канцеларии меѓу другото да се зголеми чувството на сигурност кај граѓаните и да се постигне уште поголема доверба кон полицијата.

- Канцеларијата за превенција иако ќе работи еднаш во неделата, со самото присуство на полициски службеник ќе се придонесе да се врати довербата на граѓаните кон полицијата, истакна при отварањето на канцеларијата Блаже Станков, градоначалник на општина Зрновци.

Инаку, полицијата, локалната самоуправа и граѓаните ќе имаат заедничка координација и соработка во изнаоѓањето решенија за локалните безбедносни проблеми.

Информативните канцеларии за превенција  се сместени во просториите на Локалната самоуправа.

Во Општина Чешиново Облешево канцеларијата ќе работи во вторник, а во општина Зрновци во петок од 9 до 15 часот.