Во недела „Шопска свадба“ во кратовското село Куклица
Манифестацијата „Шопска свадба“ која традиционално се одржува на локалитетот Камени кукли во селото Куклица, Кратовско, е закажана за во недела, 24 септември, во организација на здружението Етно ризница, Куманово.
- И годинава, по трет пат, на овој препознатлив локалитет во Североисточна Македонија за време на одржување на настанот се очекува местото да заживее со неколкуте илјади посетители кои како и претходните години ќе го следат перформансот на свадбена веселба, традиционална од овој крај, наречена „Шопска свадба“, изјави Драган Јакимовски, организатор на манифестацијата.
Во првите две години на одржување, настанот се одвиваше со цела свадбена церемонија, со младенци кои возобновувајќи ги старите обичаи, се венчаваа во традиционални носии од Североисточниот регион.
- Годинава нема младенци, но манифестацијата ќе ја реализира целта на промоција и презентација на историското и културно наследство на жителите од Североистокот на Македонија, во кој значителен број се токму Шопите. Оваа година ќе се одржи сценска адаптација „Шопска свадба“, во изведба на членови на Културно-уметничкото друштво „Ѓоко Симоновски“ од Куманово, додаде Јакимовски.
На самиот локалитет Камени кукли во недела ќе бидат презентирани обичаите на шопскиот дел од регионот, а органзиаторите ги повикаа сите жители од овој крај да присуствуваат и да ја омасоват манифестацијата. Предвидено е да се одржи и пригодна културно-забавна програма.
Ново на Сител
-
Герасимовски: Поставивме 720 фотоволтаични панели на покривот на ООУ „Киро Глигоров“
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово