Стејт департмент: Американски претставници пристигнаа во Сирија за да разговараат директно со новите власти

Американски претставници пристигнаа во Сирија за да разговараат директно со новите власти предводени од исламисти, соопшти денеска Стејт департментот, во најформалната американска дипломатска мисија од почетокот на долгата граѓанска војна во таа држава.

-Дипломатите ќе се сретнат со претставниците на Хајат Тахрир ал-Шам (ХТС) – прогласена за терористичка група од Вашингтон – и граѓанското општество за да разговараат со Сиријците за „нивната визија за иднината на нивната земја и како САД можат да помогнат во нивна поддршка“, изјави портпарол на Стејт департментот.