Претставување на високото образование во САД

Во организација на Амбасадата на САД во Македонија, во соработка со EducationUSA Mакедонија, денеска во Меѓународното училиште НОВА, претставници од десет универзитети во САД ќе бидат на располагање да одговараат на прашања во врска со високото образование во Соединетите Држави и нивните институции.

Советниците на EducationUSA ќе даваат информации за процесот на аплицирање на универзитетите во САД, како и за услугите што студентите можат да ги добијат во центрите на EducationUSA во Македонија.  Советникот за образование од Амбасадата на САД ќе одговара на прашања за можностите за добивање стипендии од Владата на САД и за програмите на образовна размена.

Влезот на овој настан е бесплатен и отворен за јавноста, а предвидено е присуство и на амбасадорот на САД во Македонија, Џес Бејли.