Откриени масовни гробници во Алепо, тврди руското МО

Портпаролот на руското МО, Игор Конашенков изјави денеска дека по ослободувањето на Алепо во делови од градот што биле под команда на џихадисти пронајдени се масовни гробници на цивили кои се измачувани и масакрирани пред смртта.

– Огромни гробници се откриени. На голем дел од Сиријци им се откинати делови од телото, а најголем дел се застрелани во главата, изјави Конашенков.

Според него, „тоа е само почеток“, и нагласи дека единствените луѓе кои недостасуваат се т.н. бели шлемови, спасувачи волонтери.