Општина Гевгелија ќе финансира 56 проекти од областа на културата и спортот
Општина Гевгелија во 2016 година ќе издвои 13 милиони денари буџетски средства за финансиска подршка на 56 проекти и настани од областа на културата и спортот кои аплицираа на јавниот конкурс, одлучија денеска општинските советници.
Од областа на културата, финансиски ќе бидат подржани 33 проекти за чија што реализација се предвидени 4 милиони денари од општинкиот буџет, а покрај активностите на културно-уметничките друштва, наменски средства ќе добијат и традиционалните културни манифестации како што се Меѓународниот натпревар за млади пијанисти, Смоквијадата, прославата на заштитникот на градот „Спасовден“, детскиот музички фестивал „Калинка“ и други настани.
За финансиска подршка на спортот и спортските активности во општинскиот буџет се предвидени 9 милиони денари кои ќе бидат поделени на 23 спортски клубови и здруженија кои аплицирале на конкурсот. Најголема финансиска помош ќе добијат кошаркарските прволигаши „Кожуф“ и „Бест“, но финансиски ќе бидат подржани и останатите спортски клубови и друштва,како и организациите на неколку кошаркарски и фудбалски турнири.
Годинава дел од општинските пари ќе добијат и Сојузот на училишни клубови и спортските клубови од основните училишта и гевгелиската гимназија.
Ново на Сител
-
Притвор се бара за шест лица, а за деветнаесет мерки на претпазливост за злоупотреби во прилепската болница
-
Сведоци на обвинителството се откажуваат од прогон на онкологот Васев
-
10 годишно дете гризнато од глушец во скопски Капиштец
-
Преполните контејнери и расфрланиот смет се потенцијална “бомба” за заразни заболувања
-
Кој колку би освоил на парламентарни избори?
-
Касами ветува поддршка за ДУИ во Кичево, очекува гласови од интегративците во останатите општини
-
Ѓорѓиевски сигурен во победата веќе одржа координација со мнозинството од Советот на г. Скопје
-
Мицкоски во Лондон се сретна со кралот Чарлс, потпишан договор за инвестиција со Бурсток