Драма во кафеана во тетовско: Сопственикот ги нападнал пејачките откако побарале да им плати за настапот
Две пејачки и љубовник на едната од нив, биле нападнати од сопственик на угостителски објект покрај стариот пат Тетово-Скопје, како и од вработен во локалот, откако од газдата побарале да бидат исплатени за ангажманот.
Инцидентот се случил утринава околу 4 часот, по што 45-годишната Б.З. од Скопје, заедно со нејзиниот невенчан сопруг Е.А.(38) од Урошевац и пријателката Х.С. (52), исто така, од Скопје случајот го пријавиле во полицијата.
-Откако Б.З. и Х.С. завршиле со пеење во објектот, Б.З. побарала од сопственикот да им исплати за нивниот ангажман, но наместо тоа тој ја фатил и почнал да ја влече за коса. Се вмешала Х.С. со намера да ги раздели, а потоа и Е.А. Тогаш, сопственикот на објектот и вработениот се нафрлиле на Е.А. и почнале да го удираат со тупаници и клоци, од што паднал на подот. Лицата биле разделени од двајца гости кои биле во локалот, информираат од СВР Тетово.
Полицијата работи на целосно расчистување на сите поединости и на пронаоѓање на двајцата пријавени за учество во насилството.
Ново на Сител
-
Мицкоски на Конгрес на Европската народна партија во Валенсија
-
Администрацијата на Трамп ги ублажува царините за автомобилски делови
-
Интерпелацијата на министерот Тошковски денеска пред пратениците
-
Масовниот прекин на струја на Пиринејскиот Полуостров предизвикан од дефект во меѓусекторската врска меѓу Франција и Шпанија
-
Тројца повредени во пожарот во Кочани отпуштени од болницата во Варна
-
Експертите очекуваат оставка од претседателката на Антикорупциска, од ДКСК тврдат дека индивидуалната одговорност не ја поткопува нивната работа
-
Истрага против дилер на марихуана од Радовиш
-
Генерален штрајк во Белгија