Дебата за интересните групи и лобирањето

Институтот за социолошки и политичко – правни истражувања (ИСППИ) при Универзитетот „Св. Кирил и Методиј” во рамки на Научната среда, денеска организира дебата на тема „Интересни групи и лобирање во Македонија, Србија и Црна Гора“.  

На настанот ќе бидат презентирани податоци од истражувањето за интересните групи и лобирањето во овие три земји, реализирано како дел од студискиот престој на проф. д-р Анета Цекиќ на Универзитетот во Салзбург, Австрија. 

Во рамки на четвртата по ред Научна среда на ИССПИ, обраќања ќе имаат проф. д-р Мирјана Борота-Поповска, директорка на ИСППИ, проф. д-р Ганка Цветанова, раководител на Секторот за научно - истражувачка, како и Билјана Пеева-Ѓуриќ, директор на Дирекцијата на здруженија според дејности при Стопанската комора на Македонија, Миле Бошков, претседател на Бизнис-конфедерацијата на работодавачи, Драге Јованоски од Синдикат на индустрија, енергетика и рударство на Македонија и Јован Близнаковски, Програмски директор во Институт за демократија „Социетас цивилис“.