Детектирање на проблемот со булингот

Врсничкото насилство сеуште присутно во училиштата. Како жртви се јавуваат и машките и женските деца и тоа  најчесто оние  од семејства со понизок економско-социјален статус.

Го има во сите форми, психолошко преку омаловажување и потсмев, физичко со тепање и удирање,  но и сајбер насилство исмејување во пораки или групи на социјалните мрежи. Децата иако го препознаваат, и за разлика од минатото поголем дел од нив се охрабрени да го пријавуваат ваквото насилство сепак оваа појава не е искоренета. Професорите сметаат дека навременото детектирање е клучно во борбата со булингот.

Многу значачно во решевање на овој проблем е и соработката помеѓу родителот, ученикот и наставникот.

Според психолозите и социолозите жртвите на врсничко насилство обично патат од чувство на страв, срам и фрустрации кои им прават да се чувствуваат беспомошно, незаштитено и осамено.