Возило удри пешак во Скопје, итно пренесен на Клиника

На улицата„Кузман Шапкарев“ во Скопје, вчера во 12 часот, возило „Волксваген Кеди“ со скопски регистарски ознаки, управувано од Е.С.(20) од Скопје, удрило во пешакот А.Ј.(71) од Скопје.

Пешакот А.Ј. бил пренесен во Комплекс клиники „Мајка Тереза“  каде му биле констатирани тешки телесни повреди (фрактура на десно рамо и лева нога и ресекотини и набиеници во пределот на главата), но не бил во животна опасност.

Се преземаат мерки за расчистување на настанот.