Во Турција откриен најстариот мозаик во светот
– Мозаик направен пред 3.500 години, е откриен во областа Јозгат – средишната Турција. Мозаикот, составен од 3.147 камења, а со површина – три на седум метри, е пронајден кај местото Усакли Хојуку во округот Соргун, каде што 2008 година почнаа површински истражувања и, ископувања во 2012 година, пренесува Агенција Анадолија.
Се чини, се работи за историски најстариот мозаик пронајден досега. Според Хусеин Чифтчи, областен директор за култура и туризам, мозаикот е постар од оние откриени во Грција. Доц. д-р Анаклето Дагостино, од Универзитетот на Пиза и предводник на тимот за ископувања, смета дека мозаикот е од 16. век пр.н.е.
Заедничките ископувања ги спроведуваат Генералниот директорат за културно наследство и музеи во Турција, Универзитетот Бозок и италијанскиот Универзитет на Пиза.
– Научните испитувања покажаа дека мозаикот е прв ваков во историјата. Мозаичниот калап го потврдува ова, бидејќи е доста оригинален. Планираме да го вклучиме ова место во туристичките понуди, рече Чифтчи.
Мозаикот е стара добро позната техника на сликање, којашто се изведува со редење шарени, повеќе или помалку доследно наредени коцки од камен, обоено стакло или керамика.
Ново на Сител
-
Скопје одбележува 62 години од катастрофалниот земјотрес
-
Тајланд и Камбоџа разменија оган во близина на спорната граница
-
Поради технички зафати без струја неколку улици во Гази Баба и Кисела Вода
-
Макрон потврди дека Франција ќе ја признае Палестина како држава
-
Сончево и многу топло со темепратура до 43 степени
-
Гори шума над селото Нивичани, загрозени викенд куќички, интервенираат пожарникари
-
Во прекин сообраќајот на патниот правец Маврово - Дебар поради сообраќајка
-
Се трага по 16-годишно девојче во реката Вардар