Во судар на мерцедес и трактор во кавадаречко четворица повредени

Вчера во 16.50 часот на регионалниот пат Кавадарци - Неготино, поточно на влез во село Марена, се случила сообраќајна незгода помеѓу патничко моторно возило „Мерцедес“ со кавадаречки регистарски ознаки, управувано од М.К.(60) од село Марена, кавадаречко и трактор марка „ИМТ“ без регистарски ознаки со приколка, управуван од Б.В.(60) од Кавадарци.

Во незгодата со тешки телесни повреди се здобил сопатникот на тракторот Д.А.(53) од Кавадарци, а со телесни повреди се здобиле возачот на тракторот и сопатникот А.Д.(69) од Кавадарци и возачот на патничкиот автомобил, кои по укажаната медицинска помош се задржани на понатамошно лекување во Општа болница Кавадарци.

Извршен е увид на местото на настанот.