Во близина на Валона запленети еден тон мархуана

Албанската полиција во координирана акција со италијанската поморска патрола спречи шверц на еден тон мархуана.

Акцијата била реализирана во територијалните води кај Валона, кога пограничната патрола по полноќ забележала едрилица која се движела во правец на Италија.  

Едрилицата „Нано Нини“ пловела под италијанско знаме, а во неа биле две лица, албански и италијански државјанин, кои кога ја забележале патролата почнале да ги фрлаат пакетите со марихуана во морето.  Двете лица се уапсени.

Тоа е последователна акција на полицијата од Валона  во спречување на шверц на големо количество мархуана. Само во текот на овој месец, кај овој познат албански приморски град, запленети се околу 2,5тони мархуана.

Инаку, во последното деноноќие, во неколку одделени акции, албанската полиција на различн локации заплени околу 150 килограми мархуана.