Во Битола претставен проектот „Персонална асистенција“ за лица со телесен инвалидитет
Националниот сојуз на лица со телесен инвалидитет „Мобилност-Македонија“ денеска во Битола пред членови на сојузот од повеќе македонски градови го претстави проектот „Персонална асистенција“.
Бранимир Јовановски, претседател на Националниот сојуз на лица со телесен инвалидитет „Мобилност-Македонија“ истакна дека лицата со телесен инвалидитет очекуваат персоналната или лична асистенција да биде ставена во законски рамки и да се спроведува по примерот на државите членки на Европската Унија.
- Грижата за социјалниот живот и потполна инклузија на лицата со телесен инвалидитет во сите пори на општеството е возможна само со конкретна поддршка. Услугата персонална асистенција во Македонија досега не беше доволно позната и организирана, но со поддршка на проект од ЕУ обезбедивме практична помош на 70 лица со инвалидитет од повеќе македонски градови, рече тој.
Персоналната или лична асистенција, како што рече, овозможува помош на лицата со потежок телесен инвалидитет да добијат конкретна поддршка поврзана со нивниот социјален живот. Очекува Министерството за труд и социјална политика да преземе конкретни активности за озаконување на оваа услуга за лицата со телесен инвалидитет.
На работилницата во Битола за целите на проектот „Персонална асистенција“ говореше д-р Нико Јанков, која нагласи дека персоналната асистенција претставува систем на планирани и изведувани постапки кај лицата со повисок и највисок степен на инвалидност, со кои се олеснува и се прави поднослив нивниот живот.
- Постапките се прават од обучени специјализирани даватели на услуги, персонални асистенти, на услуги во одреден или неодреден временски период. Во таа смисла, потребна е прецизна законска регулатива и прифаќање на правилата и од корисниците и од асистентите. Во светот се поголема е улогата на заедницата во преземањето на обврските кон лицата на кои им е неопходна персонална асистенција, посочи Јанков.
Јавна поддршка на настанот организиран од Националниот сојуз на лица со телесен инвалидитет „Мобилност-Македонија“ дадоа градоначалникот на општина Битола Наташа Петровска и претседателот на Македонско научно друштво-Битола, Марјан Танушевски.
Ново на Сител
-
Преглед на вестите од светот
-
Прес-конференција на Коцевски
-
Филипче: Со ново задолжување од 6 милијарди евра јавниот долг ќе надмине 115% од БДП
-
Предлогот Трајко Славески да биде гувернер е во Собранието, ВМРО-ДПМНЕ ќе го поддржи
-
СДСМ: Предлогот Трајко Славески да биде Гувернер значи погребување на последната независна институција
-
Каја Калас утре во Скопје, Мицкоски ќе ја пречека со веќе познатите ставови за уставни измени
-
Повеќе од 2000 претставки минатата година пристигнале на адреса на Народниот правобранител
-
Преглед на вестите од светот