ВМРО-ДПМНЕ до Ахмети и ДУИ: Не сте вие орли туку обични врапчиња
ВМРО-ДПМНЕ со остра реакција на денешниот говор на лидерот на ДУИ, Али Ахмети, од конвенцијата на коалицијата „Национална алијанса за интеграција“, каде беа промовирани кандидатите за градоначалници и советници.
„Не е тешко да се предвиди Ахмети. Не е тешко ни човек да се справи со него, само треба да има волја, да не е компромитиран и да има интегритет. СДСМ немаа,“ се наведува во реакцијата.
Од партијата потсетуваат и на случката со поранешниот премиер Зоран Заев: „Се сеќавате како Груби и Ахмети отидоа кај Заев и го ‘предомислија’ пред две години? Со што го предомислија? Епа, така функционира ДУИ и за тоа се врвни експерти.“
Во реакцијата, ВМРО-ДПМНЕ обвинува дека СДСМ и ДУИ, со поддршка од обвинителите и судиите, постапувале незаконски. „За тоа сте навистина експерти – за тендери и за седнување во скут. Таравари е со вас по иста причина како што и СДС не може да се тргне од вас – се држите едни со други во криминалот што заеднички го правите. Најголема маша ви се обвинителите и судиите.“
Во продолжение, најголемата партија од македонскиот блок му порача на Ахмети: „Не си ти орел, туку обично врапче. А во суштина, ни вие не сте орли, туку криминални и корумпирани страчки. Албанците одамна имаат преку глава од Ахмети, а тоа ќе го покажат на следните избори – заедно со Македонците, сите сложно.“
Според ВМРО-ДПМНЕ, ДУИ ќе претрпи тежок пораз на локалните избори, по што „врапчињата ќе носат писма со понуди за коалиција и празни ветувања дека ќе се реформираат“.
„Наместо да оди во пензија, тој зборува за крв, оружје и орли. А секој пат кога ќе дојдат избори, Ахмети доживува необична трансформација. Тоа е неговиот Павлов рефлекс – на звукот на избори, автоматски следуваат закани, патетика и заплашувања. Освен што е патетично, сето ова е и смешно,“ стои во реакцијата на ВМРО-ДПМНЕ.
Ново на Сител
-
Тема на денот со Ана Марјановиќ од ХЕМА-ОНКО, здружение посветено на пациенти со рак
-
Онкологот Васев бара неговиот предмет да го превземе државниот јавен обвинител
-
Може ли рана дијагноза на рак на дојка ако за дијагностички процедури се чека со недели?
-
Без пожари на Вардариште и Дрисла во Скопје, мерки за поддршка на бизнисот во Куманово
-
Филипче: Власта шири лаги за СДСМ бидејќи нема проекти и европски реформи
-
Сообраќајната инфраструктура фокус на кандидатите во Чаир
-
Предизборни активности на независните кандидати и помалите партии
-
Со 10.000 бруцоши почна новата академска година