Вархеји: ЕУ подготвува економски план за развој на Западен Балкан
Европската унија подготвува економски план за развој на земјите од Западен Балкан што ќе биде претставен на Самитот ЕУ-Западен Балкан што треба да се одржи во Загреб во мај, соопшти еврокомесарот за проширување и соседска политика Оливер Вархеји.
Економскиот план е еден од трите чекори што ги презема Европската комисија во рамки на реформата на преговарачкиот процес, а кои треба да помогнат за ефиканска трансформација на општествата во земјите од регинот и да обезбедат конретни резултати.
Другите два чекора, покрај економскиот план, се однесуваат на измената на методологијата за проширување на ЕУ и отворањето на пристапните преговори со Македонија и Албанија.
Вархеји, во пишан одговор на прашање од словенечката европратеничка Ирена Јовева за евопреспективите на регионот, вели дека ЕК усвои нова стратегија за проширување што ги опфаќа земјите од Западен Балкан со цел да се даде нов импулс во тој процес, правејќи го кредибибилен, динамичен и предвидлив, и давајќи му силен политички поттик. Тоа, вели Вархеји, доведе до позитивна одлука за старт на преговорите за членство со Македонија и Албанија.
– Поддршката на земјите од Западен Балкан во исполнувањето на условите за членство во ЕУ останува приоритет на ЕК. Работиме на тоа да ги пообриме расположливите алатки за поддршка на тој процес. Конечно, напредокот на европскиот пат зависи од способноста на секоја земја кандидат да ги спроведе реформите и да покаже резултати со кои ќе докаже дека се исполнети условите кои и се поставени, истакнува евокомесарот Оливер Вархеји.
Ново на Сител
-
ВМРО-ДПМНЕ ја официјализира својата коалиција
-
Еко акција во Прилеп
-
Штипска фирма доби забрана за работа поради загадување
-
Преглед на вести од светот
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите