„УСС Коронадо“ повторно не работи

И четвртиот американски разорувач од последната серија - „УСС Коронадо“, се расипа. Во последниве девет месеци, тоа е четврти ваков случај со најновата генерација воени бродови, кои инаку се исклучително скапи и важат за -„гордоста на Американската морнарица“.

Во соопштението на Американската морнарица од вчера се наведува дека бродот бил на пат кон воената база Перл Харбор, кога се случил „големиот инженерски дефект“. Подробности се очекуваат по деталната проверка, пренесува „Блиц“.

Два дена претходно, Американската морнарица објави дека и кај друг разорувач, „УСС Фридом“, настанал дефект, кога во системот влегла вода и го оштетила моторот. Претходно откажа и „УСС Џералд Форд“, најскапиот од „флотата на иднината“.

Ова значи дека на четири од вкупно шест бродови од новата генерација скапи воени бродови им се случиле сериозни и необјасниви механички дефекти, за само девет месеци.