Тројца загинати и петмина повредени при уривање на зграда во Тел Авив

Најмалку три лица загинаа, а петмина се повредени при уривањето на зграда во јужниот дел на Тел Авив, што се случи синоќа по силна експлозија, соопшти денеска израелската полиција.

Портпаролот на полицијата Мики Розенфелд изјави дека е во тек истрага за утврдување на причините за несреќата.

Според него, припадниците на службата за вонредни состојби ги пронашле телата на загинатите, а повредените се префрлени во болница. 

Локалните медиуми јавија дека експлозијата се случила во магацин за градежен материјал што се наоѓал во зградата.