Трамп: Мексико ги искористува САД и тоа мора да престане

Претседателот на САД Доналд Трамп продолжи да упатува критики кон Мексико, велејќи дека јужниот сосед на САД веќе доволно време извлекува корист од САД и оти тоа треба да престане.

„Големиот трговски дефицит и малата помош долж слабо обезбедената граница, треба да се сменат СЕГА“, напиша Трамп на Твитер.

Вчера тој изјави дека САД може да наметнат 20 проценти данок на мексиканските стоки, со што ќе се плати изградбата на ѕидот на границата меѓу двете земји, потсетуваат агенциите.