Сочувство од архиепископот Стефан за упокојувањето на папата Франциск
Поглаварот на Македонската православна црква г. г. Стефан испрати писмо со сочувство за упокојувањето на папата Франциск до кардиналот Кевин Јозеф Фарел во Светата Столица.
- Со длабока тага, но и со силна надеж во Воскресението, токму во овие денови на взаемна пасхална радост на сите христијани во светот, ја примивме веста за упокојувањето на Наговата Светост, папата Франциск. Дозволете Ни од свое име, и од името на Светиот архијерејски синод на Македонската Православна Црква – Охридска Архиепископија, како и од името на сета полнота на нашата Помесна Православна Црква, Вам, на клирот и на сите католички верници насекаде по светот, како и на сите луѓе кои ги почитуваа личноста и делата на папата Франциск, да Ви изразиме искрено сочувство по повод на неговото упокојување, наведува архиепискотот Охридски и Македонски г.г. Стефан.
Како што посочува, понтификатот на папата Франциск, во историјата на Католичката Црква ќе биде запаметен по неговото трезвено разбирање на проблемите со кои се соочува современото човештво, по неговиот постојан напор за воспоставување взаемен дијалог и мир помеѓу народите, по неговата отвореност кон луѓето кои што страдаат и храброто и смерно соочување со наследените предизвици, со неговото неуморно сведочење на евангелската светлина, на нагласената отечка и архипастирска сострадалност, како и на едноставната, тивка и искрена проповед на милоста Божја, со кои беше украсена неговата личност.
- Неговата Светост, папата Франциск, во историјата на македонскиот народ ќе остане запаметен како единствен папа кој посака и ја посети Република Македонија. Го молиме Бога, Кој владее над живите и мртвите, да го упокои папата Франциск и да направи споменот да му биде вечен, наведува поглаварот на МПЦ-ОА.
Ново на Сител
-
Трамп со критики за Зеленски по изјавата за Крим: Завршете ја работата, ќе ја изгубите цела земја
-
Вучиќ: Студентите ќе продолжат со насилства, државата ќе одлучи кога насилствата ќе завршат
-
40-годишна жена пријавила дека била физички нападната од нејзиниот сопруг
-
Официјален Париз: Мировен договор мора да го гарантира територијалниот интегритет на Украина
-
Судењето за убиството на Вања и Панче продолжува на 28 април
-
Вардар и Струга финалисти во фудбалскиот Куп на Македонија
-
Во Харков 10.000 ученици следат настава во училишта под земја
-
ФФМ: Службена победа за Вардар на дуелот со Воска