-->
-->
Собрани 26 единици крв на првата крводарителска акција во Ранковце годинава
-->
На крводарителската акција која се одржа денесka во село Петралица, општина Ранковце, собрани се дваесет и шест единици крв.
Ова е прва акција годинава во организација на Црвен крст на Република Македонија, општинска организација Крива Паланка.
– Акцијата се одржа во соработка со ловечко друштво „Славишко Поле“ во просториите на друштвото во село Петралица, и одзивот на граѓаните е на задоволително ниво со оглед на лошите временски услови, ниските температури и до неколку степени под нулата.На денешната акција крв даруваа жители од цела општина Ранковце,од повеќе села, а истата се одржа во периодот од десет до петнаесет часот, информира Дарко Пешовски, секретар на Општинската организација на Црвен крст, Крива Паланка.
Крводарителските акции на територијата на општините Крива Паланка и Ранковце се спроведуваат во соработка со Институтот за трансфузиона медицина-Скопје.
– Нашите сограѓани се хумани, тоа го потврдуваат редовно, вбројувајќи ја Кривопаланечката општинска организација во една од најуспешните по реализација на годишните планови за крводарителство повеќе години наназад. Така беше и во 2018 година, кога на вкупно деветнаесет акции одржани во двете општини собрани се 861 крвна кеса,од предвидените 711, со што е натфрлен годишниот план за 21 отсто, додаде Пешовски.
-->
-->
-->
Ново на Сител
-
Македонија ги живее најтоплите денови: Пикот на топлотниот бран утре и задутре
-
Покачувањето на пензиите и ваучерите за студенти минуваат низ собранискиот филтер
-
Нема владини мерки против високите цени, се бара долгорочно решение
-
Почна со работа Центарот за обука на административните службеници
-
Државните спортски објекти се управувани од претпријатие кое престанало да постои во 2017, вели ДЗР
-
Бизнисот верува во кандидатурата на Ѓорѓиевски за Скопје – Вреди најавува свој кандидат за главниот град
-
СДСМ: Режимски прогон против нашите градоначалници
-
Граѓански иницијативи се здружуваат во партија за учество на локалните избори