Се наоѓаме најблиску досега до крај на војната во Украина, тврди американски дипломат
Во моментов сме најблиску досега до ставање крај на војната во Украина и прекин на борбите, посочува американски дипломат, нагласувајќи дека веројатно никој нема да биде задоволен од никаков договор за прекин на огнот за кој ќе се согласат Москва и Киев, но дека сите се согласуваат оти мирот е многу подобар од војната.
– Она што е потребно во овој момент е двете страни да се сретнат и да преговараат за траен мир. На масата е се она што е потребно, но двете страни ќе мора да се согласат. И состанок што може да се случи в четврток навистина е најохрабрувачкото нешто што го имавме во последниве три години од оваа бескрајна и навистина непотребна војна. Но, во исто време, таа треба да заврши. Треба да имаме мир во Европа и треба да се осигураме дека борбите ќе престанат, наведува дипломатскиот извор.
Тој посочува дека американскиот претседател Доналд Трамп е фокусиран на „ставање крај на колежот и убиствата“ што се случуваат во Украина и на овозможување траен мировен договор, но дека единствен начин да се случи тоа е двете страни да седнат да преговараат за мировен договор што ќе стави крај на убивањето.
– Мора да седнеме на масата за да преговараме за крај на оваа војна. Ако не седнеме на масата, тогаш нема да има крај на оваа војна, додава американскиот дипломат.
Ново на Сител
-
Матурантите постигнаа подобар успех од лани
-
Детали за акцијата на МВР
-
Сиљановска Давкова: Спортската неписменост и говорот на омраза се срам за сите
-
Беким Сали нов вицепремиер, ако Меџити победи во Чаир
-
Објавен огласот за избор на претседател на Антикорупциска, трае 10 дена
-
Статус Кво ситуацијата со скапо купените акцелератори за зрачна терапија, по една деценија се уште не се во функција
-
Ристески: Сушата ќе го намали родот на тутунот за над 30%, ќе има само околу 18 милиони килограми
-
Преглед на вестите од светот