СДСМ: Парламентарното мнозинство ќе ги исполни дадените ветувања за повисок животен стандард

Јавноста ги препозна лицемерието, деструкцијата и блокадата на Собранието од страна на ВМРО-ДПМНЕ кое очајно се обидува да го блокира спроведувањето на зацртаните реформи за кои гласаше мнозинството граѓани, се вели во реакцијата на СДСМ на прес-конференцијата на Драган Данев од ВМРО ДПМНЕ.

- Додека Данев обвинува за блокади, токму тој и неговите партиски колеги во Собранието на секаков начин се обидуваат да ја опструираат работата на Собранието и собраниските тела преку формирањето десет пратенички групи во Собранието, преку лицемерното поднесување на седумстотини амандмани за буџет, се вели во реакцијата на СДСМ.

Од партијата на власт порачуваат дека парламентарното мнозинство ќе ги исполни дадените ветувања за повисок животен стандард, нови работни места и професионални институции.