Руска делегација на средба со Асад
Руска делегација денеска во Дамаск разговараше со претседателот на Сирија, Башар ал Асад за решавање на кризата во североисточниот дел на земјата, соопшти руското Министерство за надворешни работи.
– Главна тема на разговорите беше актуелната ситуација на теренот во Сирија поради зголемените тензии во североистичниот дел на земјата, се наведува во соопштението.
Турција на 9 октомври, два дена по одлуката на претседателот на САД, Доналд Трамп за повлекување на американските војници од Сирија, ја покрена операцијата Извор на мирот против курдските сили. Анкара истакна дека цел на операцијата е да создаде „тампон зона“ за заштита на турската граница, во која би можеле да се вратат сириските бегалци од Турција.
Претседателот на Турција, Реџеп Тајип Ердоган и американскиот потпретседател Мајк Пенс и американскиот државен секретар Мајк Помпео на 17 октомври во Анкара постигнаа договор за петдневен прекин на турската офанзива во североисточна Сирија.
Ново на Сител
-
Фон Дер Лајен од Скопје: Проширувањето ќе остане врвен приоритет за ек во следните пет години
-
Прва средба на новите членови од историската комисија - Ќе има ли разлики?
-
Помилуваниот Равманоски повторно зад решетки, осомничен за обид за убиство
-
СДСМ го одби предлогот на Мицкоски за стратегија 2050
-
Струмица и Карпош најавија излегување од ЗЕЛС
-
Белград ќе му подари автобуси на Скопје?
-
Во Куманово отворен конзулат на Србија
-
Преглед на вестите од светот