Промовирана брошурата „Мисли на пазар-не само на субвенции“

Пред кумановските земјоделци, денеска беше промовирана брошурата „Мисли на пазар-не само на субвенции“ која е издадена во рамките на проектот „Коалција за правични и транспаретни политики“ што го спроведува „Рурална Колација“ од Куманово во соработка со партнерските организации „Агрокултура“ од Ликовово, „Мрежа на млади фармери“ од село Мешеишта, Дебарца и Здружението на земјоделски производители „Агросојуз“ од Василево.

Брошурата содржи информации за структурата на производните трошоци на цената на чинење на доматите, грозјето и пченицата.

Брошурата, информираше Мендух Нухија од „Агрокултура“ Липково, дава насоки во кој правец да се ориентираат земјоделците со цел оставрување повисок профит од продажба на производите.

- Земјоделците не треба целосно да се потпрат на субвенциите, туку превенствено на својот труд и пронаоѓање пазари на кои заеднички ќе можат да ги пласираат производите, изјави Нухија. Додаде дека во Македонија има ограничен пазар на кој се пласираат производите и дека е потребен пристап до нови пазари, размена на информации и знаења што ќе ја зголеми продуктивноста и економичноста кај земјоделците.

Проектот овозможува земјоделците да се произнесат за своите потреби и заеднички да настапат пред институциите и јавноста.

- Целта на оваа тркалезна маса е да се информираат земјоделците за пронаоѓање пазари на кои можат да ги пласираат прозиводите, изјави Ива Магловска од „Рурална Коалција“.

Според неа, целта на проектот е подобрување на условите на економска конкурентност преку јавни и траснпараптено спроведување на јавни политки со фокус на пазарот и градење на заеднички настап на партнерските здруженија. Преку спроведување на проектот се планира креирање платформа за соработка и солидарност која на крајот од проектот во јуни годинава ќе ја потпишат дваесетина здруженија и кооперативи што, според Магловска, ќе биде основа за почитување на поставените точки од засегантите страни во секторот за земјоделство

Проектот  „Коалција за правични и транспаретни политики“ се реализира преку Проектот на УСАИД за граѓанско општество, поддржан од Фондацијата отворено општество Македонија.