Почнува неофицијалниот дел од 54. Струшки вечери на поезијата
Со работилница за деца „Како настанува книгата“ денеска почнува неофицијалниот дел од програмата на 54. издание на фестивалот Струшки вечери на поезијата, чиј официјален дел ќе се одржи од 26 до 31 август во Струга.
Во рамките на fестивалската програма, вечер ќе биде отворена неделата на поетски и документарни филмови посветени на поезијата, што ќе се реализира во соработка со Фестивалот на поетски филмови „Зебра“ од Берлин. Покрај изборот од неколку кратки поетски филмови ќе биде прикажан и документарниот филм „Звуците на Ариранг“ посветен на добитникот на Златниот венец за 2014 година, корејскиот поет Ко Ун.
На фестивалската програма утре ќе се одржат книжевни промоции на македонската поетска продукција.
Официјалниот дел од Фестивалот ќе почне в среда, со традиционалното засадување дрвце во Паркот на поезијата, во чест на лауреатот, кинескиот поет Беи Дао, читање на Константиновата Т`га за југ, а годинава поетско послание ќе има познатиот сириско-либански поет со светска слава Адонис, кој ќе се обрати во име на сите поети учесници и лауреати на Златниот венец кој годинава одблежува 50 години.
Традиционално на затворањето на маниестацијата „Мостови“ ќе бидат врачени наградите „Златен венец“ на кинескиот лауреат Беи Дао, „Мостови на Струга“ – за дебитантска поетска книга на млад странски автор на Паула Бозалонго од Шпанија и на македонскиот поет кој ќе ја добие наградата „Браќа Миладиновци“.
Ново на Сител
-
Мицкоски и Филипче на чекор до лидерска средба
-
Мицкоски: Милошоски и Филков имале само лош ден што треба да заврши
-
Негативно мислење за разрешувањето на обвинителот Коцевски
-
Дали повисоки казни ќе спречат трагедии како Кочани?
-
Клиниката за физикална медицина се подготвува да ги прими првите пациенти од пожарот во Кочани за рехабилитација
-
На чекор сме до генерален штрајк во цела држава, предупреди ССМ на протестот за повисоки плати
-
Откако Палевски беше отстранет од судница, Кешишев раскажа како биле грабнати и убиени Вања и Панче
-
Нормализиран водостојот на Маркова Река, штети во Батинци, Горно и Долно Лисиче