Нормализиран водостојот на Маркова Река, штети во Батинци, Горно и Долно Лисиче

Обилните врнежи од дожд кои предизвикаа излевање на Маркова Река, без сон ги оставија жителите во Батинци. Поплавени се десетици подруми и дворови, уништени се повеќе ниви и штали. Денеска состојбата се подобрува, водостојот на реката вратен во нормала, патиштата и мостовите се проодни. Нередовното чистење на каналите придонеле да настане ваков хаос, тврдат жителите од Батинци.

Вештачки езера денеска не пречекаа во Горно и Долно Лисиче, каде поплавени се индустриски зони и ниви.

Маркова Река синоќа се прелила и кај булеварот Борис Трајковски во Кисела Вода. Службите евакуирале и неколку граѓани кои биле заглавени во автомобили опколени со вода.

На терен се и службите од Дирекцијата за заштита и спасување. Тим интервирал со пумпи за извлекување на водата, а ќе интервенираат по потреба и во текот на денот. 

Од УХМР предупредуваат дека е зголемен водостојот на реките во државата, а врнежите од дожд ќе продолжат во текот на целата недела.