Нова ректорска управа на Универзитетот „Св.Климент Охридски“-Битола
Новоизбраниот Ректор на Универзитетот „Св.Климент Охридски“-Битола (УКЛО), проф. д-р Сашо Коруновски денеска на прес-конференција ја претстави новата ректорска управа и програмата за работа во наредниот четири годишен период.
Според Ректорот Коруновски, платформата која ќе ги обединува поединците и институциите под заедничкиот покрив УКЛО се потпира на принципот интегриран Универзитет.
- Нашиот мандатен период ќе биде одбележан со понуда на атрактивни студиски програми, флексибилен и динамичен образовен процес, односно понуда на препознатливи професии и надополнување со студиски програми кои ќе бидат потребни во иднина како резултат на технолошкиот развој и флексибилност во смисла на понуда на алтернативни модели на формално и неформално образование, реализација на системот на контрола на квалитетот според Европската агенција за евалуација во високото образование и обезбедување на транспарентност на образованиот процес преку користење на платоформи за електронска достапност на предметните програми, истакна Коруновски.
На прес-конференцијата беше посочено дека новата ректорска управа ќе продолжи да ја негува академската традиција и поврзување со бизнис заедницата, ќе се интезивира издавачката дејност како и меѓународната соработка.
- Ќе се поврзуваме со бизнис заедницата, ќе формираме универзитетски Совет и одбори за доверба со јавноста на универзитетските единици. И во наредниот период ќе се издава списанието „Хоризонти“, креирање на репозиториум, соработка со универзитетските библиотеки, подобрување на студентскиот стандард и отпочнување на постапка до воведување на електронски или е-индекс. За студентите и наставниците ќе биде мотивирано меѓународното присуство и активност преку учество во креирањето на развојните платформи на универзитетите и реализирање на мобилности во европскиот образовен простор, нагласи Коруновски.
На новоизбраниот Ректор на Универзитетот „Св.Климент Охридски“-Битола, проф. д-р Сашо Коруновски ќе му помагаат проректорите Марјан Ангелески за настава, Елизабета Бахтовска за наука, Виолета Маневска за студентски работи и Светлана Николоска која ќе ја врши функцијата проректор за финансирање.
Ново на Сител
-
„Македонија во чест на Свети Кирил“ - Претседателката се сретна со Папата
-
Македонците се условени да прифатат диктат откажувајќи се од самите себе, вели историчарот Панов
-
Преговорите за Влада во напредна фаза се уште нема конечен договор за Министерствата
-
Македонија во фокусот на грчката јавност
-
Продолжува хаосот на хирургија - 6ти ден не работат операционите сали
-
57 вработени на Токсикологија бараат одговорност од организациската директорка Бесија Иљази
-
Импровизираниот луна парк се уште не се демонтира - На потег УЈП и ДПИ
-
Судот му го одзема пасошот на обвинителот Иџет Мемети, тој негира дека е вмешан во случајот со мито