Нема новозаразени со Ковид-19 во Дебар, 28 оздравени, мал бројот на хоспитализирани
Добри вести денеска во Дебар, вклучително и во општина Центар Жупа, со епидемиолошката состојба со Ковид-19. Во последното деноноќие во Дебар е забележан голем број на оздравени лица од Ковид-19, намален е бројот на хоспитализирани лица, а четврти ден по ред нема новозаразени.
Според епидемиологот Ментор Меља, во последните 24 часа битката со опасниот вирус ја победиле 28 лица, што е досега вторпат висок број на оздравени во едно деноноќие по 14 август кога беа регистрирани рекорден број од 60 оздравени.
-Исто така, радува податокот дека четири дена немаме новозаразени, а паралелно на тоа разбирливо се намалува и бројот на активни случаи на болеста. Се намалува и бројот на лицата на кои им е неопходно болничко лекување. Од повеќе од 10, сега имаме само шест пациенти од нашето подрачје кои се лекуваат во здравствени установи во Скопје, изјави Меља, кој раководи со Работната едница на Центарот за јавно здравје во Дебар.
Додава дека и понатаму има сомнителни случаи со симптоми на опасниот вирус, редовно се земаат брисеви, а утре се очекува резултат од 15 тестови.
Од почетокот на пандемијата, во двете општни се направени околу 1300 тестови. Вирусот е потврден кај 252 лица, оздравени се 186, починаа 10. Активни на болеста се 56 лица, поголем процент од нив со полесна форма на болеста.
Ново на Сител
-
Скопјанец доби условна казна затвор за ширење омраза за коментари поврзани со Парадата на гордоста
-
Изминатите два дена 1452 сообраќајни прекршоци, 258 за брзо возење
-
Дачиќ: Нема потреба за вонредни избори; Брнабиќ: Студентите да му се обратат на Вучиќ
-
ЕУ повика на дијалог меѓу Индија и Пакистан
-
Израел се заканува дека ќе му го направи на Техеран она што му го направи на Хамас во Појасот Газа
-
Јермак: Украина и сојузниците разговараа како да извршат притисок врз Русија за 30-дневен прекин на огнот
-
Николоски: Арсовска целосно потфрли, ќе понудиме квалитетен кандидат за Скопје
-
Си Џинпинг пристигна во Кремљ на средба со рускиот колега Путин