Лажна дојавата за бомба во Тетово
Припадници на Единицата за антитероризам на МВР денеска по 13 часот извршиле комплетно пребарување на внатрешноста на Основниот суд Тетово и просторот околу него, при што не се пронајдени никакви експлозивни или други средства, по дојавата од изутрината дека има експлозивна направа во судот, соопшти МВР.
- Триесет и деветгодишната тетовка Н.Ј, денеска околу 8 часот и 40 минути пријавила во Полициската станица Тетово дека утрото кога влегла во нејзината адвокатска канцеларија лоцирана на улица „Струшка“ во Тетово, на подот забележала писмо, се наведува во соопштението од МВР.
Од полицијата информираат дека таа го подигнала писмото, го отворила и во него се наоѓал лист хартија на кој рачно, со кирилично писмо, било напишано: „На 13 април ќе се бомбардира Судот во Тетово, голема количина експлозија има внатре, доста игравте со народот, соопштение ОВК“.
За настанот веднаш бил известен јавен обвинител кој дал насоки за мерките и активностите што треба да се превземат, по што повеќе служби на СВР Тетово испратени се во и околу објектот на Основниот суд Тетово, а известени се и соодветните служби на Министерството за внатрешни работи во Скопје.
Извршен е комплетен увид и Секторот за внатрешни работи Тетово работи на расветлување на случајот, односно кој, зошто и со какви мотиви го оставил писмото во адвокатската канцеларија на Н.Ј и која била целта, велат од МВР.
Ново на Сител
-
Управен пред одлука
-
ДИК се пожали на притисоци, членовите стравуваат за сигурноста
-
Мицотакис му одговори на Мицкоски: Патот кон ЕУ ќе биде затворен без почитување на Преспанскиот договор
-
Вархеи: Западен Балкан да биде подготвен за влез во ЕУ до 2027 година
-
Таравари: Владата ќе биде договорена до петок
-
Османи во Стразбур лобира за прием на Косово во Советот на Европа
-
Синдикатот на болницата во Лешок се противи на обидот министерството да ги спои со клиниката во Тетово
-
ДСЗИ повторно ќе оди во вонредна контрола на Токсикологија