Крвава тепачка на средношколци кај НБРМ, 16-годишно момче се бори за живот на Неврохиругија

Вчера околу 19.10 часот на автобуската постојка пред Народна банка на Македонија, каде 17 годишно лице од с. Бразда било нападнато од страна на група младинци на возраст од 16-18 години.

 

Потоа истата група, физички нападнала уште шест други малолетници кои биле на автобуската постојка на возраст од 16 и 17 години при што едно 16 годишно лице од здобиените повреди во безсознание и со возило на Итна медицинска помош е однесен во клинички центар „Мајка Тереза“–Ургентна клиника, каде му се констатирани телесни повреди и истиот е задржан на Неврохирургија за понатамошно лекување.

 

Исто така, по настанот и уште едно 16 годишно лице е примено во клиничкиот центар „Мајка Тереза“–Ургентна клиника, каде му се констатирани телесни повреди и по укажаната лекарска помош, заедно со неговите родители настанот го пријавиле во Полициската станица од општа надлежност „Центар“.