Хуманитарни пакети за штипските стечајни работници

Четириесет прехранбени пакети се доделени денеска на стечајни работници во Штип. Пакетите ги доделија градоначалникот на Општина Штип Илчо Захариев и Општиската Организација на Црвен крст-Штип.

- Ценевме дека една ваква мала, симболична поддршка ќе им значи на овие луѓе нешто, со тоа што подолго време се без работа и мислиме дека ќе им помогнеме со одредени прехранбени производи, вели Захариев.

Претседателот на стечајните работници од Штип, Ќемалдин Арсланов вели дека секоја помош им е добредојдена, а традиционално секоја година ја добиваат од страна на градоначалникот и од Црвениот крст.

Тој забележува дека стечајните работници се на возраст од над 60 години и тешко наоѓаат работа, бидејќи некои од нив имаат и здравствени проблеми.