Груби: Не коментираме судски одлуки, за „Монструм“ баравме целосно повторување на судскиот процес
Првиот вицепремер во Владата и висок функционер во ДУИ Артан Груби денеска не сакаше да ги коментира последните случувања во врска со слуајот „Монструм“ и убиството на Смилковското Езеро, како и барањето за затворски казни на обвинителката Фатиме Фетаи. Груби нагласи дека единствен момент кога ДУИ била вмешана во овој случај, било барањето за целосно повторување на судењето.
– Не ги коментираме судските одлуки. Прашањето беше дали е вмешана политиката во овој случај. Единствен момент каде што ние како политичка партија бевме вмешани во овој случај беше во барањето да се повтори судењето, поради недовербата на целата јавност во одлуката на Судот претходно. Тоа го постигнавме. Отука па натаму е работа на Обвинителството, на судството, на одбраната во судска постапка да ги докажат своите аргументи, рече Груби на прес-конференција.
И покрај инсистирањето на новинарите, тој беше дециден дека тој може да одговори само за нивното барање, а тоа, како што потенцира, „апсолутно повторување на целиот судски процес и тоа го постигнавме“.
– Одбраната, обвинителството и судството се во доказна постапка, и се надевам дека заврши така како што налагаат доказите. Не сакам да коментирам одлука или пак, во овој момент тоа е став само на обвинителството, судот го нема кажано последниот збор, ова е само еден дел на една странка во процесот, рече Груби.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот