ЕКК: Трета победа за Алкалоид
Шахистите на Алкалоид ја забележаа третата победа на Европскиот Клупски Куп, откако во дербито на 3.коло го совладаа Одлар Јурду од Азербејџан со 3,5:2,5.Најзаслужен за новите два бода на „фармацевтите“ беше велемајсторот Дмитриј Андрејкин кој победи со бели фигури на четвртата табла против Вугар Расулов, а на останатите пет табли се ремизираше.
Покрај Андрејкин со бели фигури од Алкалоид играа Евгениј Томашевски и Јангуи Ју, додека со црни беа Дмитриј Јаковенко, Јуриј Криворучко и Василиј Иванчук.
Победа во оваа рунда оствари и Гамбит Асеко со 4:2 против ХМЦ Калдер од Холандија, а Центар и Карпош загубија.
На врвот на табелата шест екипи имаат максимални три победи, а меѓу нив е и македонскиот шампион:
1.Сокар (Азербејџан) 15 (поени по табли),
2.Аве Нови Бор (Чешка) 15,
3.Алкалоид (Македонија) 14,5
4.Медни Всадник (Русија) 14,5,
5.Сибериа (Русија) 14,
6.Обиетиво Ризарчименто Падова (Италија) 12,5.
Од другите македонски екипи што учествуваат на овој куп, Гамбит Асеко е на 15.место со 4 бода и 10 поени по табли, Центар е 44-ти со 1 бод и 6 поени по табли, а Карпош е без бодови и 4 поени по табли.
Во женска конкуренција македонскиот тим Гамбит Асеко по три кола е на 3.место во конкуренција на 12 екипи.
Ново на Сител
-
Тема на денот со членови на Здружението „Карпалак“
-
Психијатар тврди дека Раде Трајковски – Штекли има шизофренија и не треба да му се суди
-
Од стартот на летото над 2000 сообраќајки на македонските патишта, 22 со фатални последици
-
Трите големи банки ги намалуваат надоместоците за граѓаните и компаниите, вели Славески
-
Како ќе влијаат царините на Трамп врз македонската економија?
-
Паркингот на Клинички ќе има нов ценовник – Пациентите ќе плаќаат повеќе од сега, но помалку од вработените!
-
Ќе се стави ли клуч на врата на 13 сеизмолошки станици во државата?
-
Училишниот прибор ќе поевтини за најмалку 10 и 15%
