-->
-->
Агаси е новиот тренер на Ѓоковиќ
-->
Поранешниот број 1 на светскиот тенис, Андре Агаси, ќе биде новиот тренер на Новак Ѓоковиќ, тврди „Дејли телеграф“.
Србинот пред неколку дена ја раскина соработката со комплетниот стручен штаб, а потоа најави дека новиот тренер ќе биде „големо име“. Британскиот „Дејли телеграф“ тврди дека во прашање е легендата на тенисот Андре Агаси.
Со оглед на тоа каков е неговиот карактер и дека има бурно минато, освојувачот на осум Гренд слем титули совршено се вклопува во желбите на српскиот тенисер.
Според истиот извор, улогата на Агаси ќе биде ограничена и тој нема да се појавува на сите турнири на кои ќе настапува српскиот тенисер туку тој, најверојатно, ќе ангажира уште еден тренер.
Пред неколку месеци некои медиуми шпекулираа дека Агаси ќе биде новиот тренер на Ник Кирјос, но Американецот експресно ги демантираше таквите шпекулации.
Се очекува името на новиот тренер Ѓоковиќ да го објави пред почетокот на вториот Гренд слем во сезоната, Ролан Гарос.
Инаку, Ѓоковиќ денеска ја започнува одбраната на титулата на Мастерсот во Мадрид, а негов противник во второто коло ќе биде домашниот тенисер Николас Алмагро.
-->
-->
-->
Ново на Сител
-
Тема на денот со Елмедин Конаковиќ, Министер за надворешни работи на БиХ
-
Да се симнат табуата и мажите почесто да прават лекарски прегледи
-
До утре комплетен список на министрите на Владата на Мицкоски
-
Тивок бојкот во СДСМ
-
Ќе плаќаме ли поскапа струја од 1 јули?
-
Зголемен обем на работа во ГОБ 8 септември поради хаосот со салите на Клинички, а кадарот масовно си заминува
-
Спасителите на вода неопходност за безбедни капалишта
-
Националната земјоделска мрежа ги утврди производната и откупната цена на пченицата