АБА лига: И МЗТ Скопје Аеродром „се прошета“ низ Љубљана

Кошаркарите на МЗТ Скопје Аеродром ја постигнаа седмата победа во АБА лигата откако вечерва во натпревар од 21.коло ја победија Олимпија со 91:72 како гости. Така откако во претходното во Љубљана победи Карпош Соколи во оваа рунда триумфираше МЗТ Скопје.

Македонскиот првак ги доби сите четири четвртини (16:12; 26:21; 23:15 и 26:24).

МЗТ Скопје водството го имаше во текот на целиот натпревар, а пет играчи имаа двоцифрен број поени.

Во ова коло вечерва Партизан и го нанесе првиот пораз на Црвена Звезда во АБА лигата 86:81.

МЗТ Скопје со скор 7 победи и 14 порази се наоѓа на делба од 10-13.место, а последен е Задар со 6-15.

Карпош Соколи со биланс 9-12 се наоѓа на 7.место на табелата.