Студентите бараат поевтини автобуски карти за градовите од внатрешноста до Скопје и назад

Поевтино е да летаме до Италија, отколку да патуваме до Струмица со повратна карта. Студентите бараат од надлежните да ги намалат цените на автобуските билети од градовите во внатрешноста до Скопје, согласно Националната стратегија за млади 23-27, усвоена од Собранието.

Во неа стои мерката: донесување одлука за намалување цени на меѓуградскиот автобуски превоз за средношколци и студенти на територијата на цела држава и зголемување на редовноста на линиите. Водечка институција за оваа мерка е Министерството за транспорт и врски, а реализацијата на оваа мерка, според оваа стратегија требаше да биде во мај 2024 година.