Кога економијата беше подобра - во време на СДСМ или сега? Партиите со меѓусебни обвинувања

Странските директни инвестиции во 2 квартал изнесуваат скоро 76 милиони евра. Бројка која е најниска од 2023 та година, објави Народната банка. Во првата половина од годината пак, вкупно во земјава влегле 221 милион евра, од кои најголем дел се реинвестирана добивка на фирмите.

За лошите бројки лидерот на опозицијата ја обвини власта – странските инвестиции се преполовени во однос на првото полугодие лани, кога СДСМ беше на власт. Со овој податок пропаѓа и последната излитена пропаганда на власта, дека во Македонија се случува инвестициски бум, напиша на социјалните мрежи Венко Филипче.

-Секојдневно пропаѓа и митот за наводната економска способност на ВМРО ДПМНЕ. Нема ниту еден економски параметар во кој оваа влада не е барем двојно послаба од владата на СДСМ, напиша Филипче.

Од ВМРО ДПМНЕ пак, му воздравија - последниот човек кој треба да зборува за економија е токму Филипче. Во Извештајот Гринфилд ФДИ Перфораманс Индекс за 2025, на кој се рангирани 105 земји од светот, Македонија го зазаеде шестото место. Во 2024 та Македонија заврши со рекордни милијарда и 250 милион евра странски директни инвестиции. Затоа порака до Филипче – помалку графикони, повеќе срам.

Премиерот пак, е задоволeн од економските показатели годинава. Расте бруто домашниот производ, извозот,земјоделието, туризмот, како и индуструското производство.

Премиерот вели дека денеска нема веќе корупција, проценти, изнуда и тортура врз бизнисот. Ако вака се раководела земјава претходно, сега, според Мицкоски, ќе зборувавме за најмалку 3 пати побогата држава од она што е денес.