Во Франција потврдени 285 случаи на заразени со коронавирус
Во Франција досега се регистрирани 285 лица заразени со коронавирус, од кои 15 сериозни случаи. Тоа се последните официјални бројки, а властите очекуваат зголемување на бројот на заразените, јави дописникот на МИА.
Здравствените власти утврдија дека десетина лица се заразиле на Собирот на евангелистичката црква „Отворена врата“, кој се одржал од 17 до 24 февруари во Мулуз. Еден од заболените е доктор по општа медицина, Џонатан Петершмит, кој сведочи за неговата здравствена состојба.
– Бев внимателен, можеби е полесно за мене затоа што сум лекар. Започна со многу силна настинка, кашлица … Во мојот случај, ова не беа многу сериозни симптоми на грип. Да не слушнав за коронавирусот, не би се ни сомневал во тоа, вели Петершмит.
Министерот за здравство Оливие Веран потсети дека во 80 отсто од случаите, лицата кои биле тестирани и позитивни на тестот, ги имале истите симптоми како настинка, треска, температура, главоболка и потешки респираторни симптоми во 15 отсто од случаите.
Според епидемиолошкиот билтен, најмногу заболени од коронавирусот се на возраст меѓу 18 и 64 години (52 отсто). Потоа млади под 18 години (21 отсто), над 75 години (16 отсто) и од 65 до 74 години (11 отсто).
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера