Во близина на Кавадарци засадени над 6.000 садници

 Во рамки на проектот за заштита на животната средина и одржливост, „Дрекслмајер“ во соработка со ЈП Македонски шуми, подружница Кавадарци, како и локалната самоуправа, организираше акација за пошумување, при што беа засадени над 6.000 садници.

– Заштитата на животната средина е инвестиција во иднината. Целата е да насадиме што повеќе дрвца сега, за да ги видиме резултатите по неколку години. Дрвата не ги садиме само за себе туку и за идните генерации, посочи Лукас Мирингер, генералниот директор на „Дрекслмајер“, Македонија.

Вработените во компанијата волонтерски учествуваа во пошумувањето, како и десетина средношколци кои се дел од дуалниот образовен модел на „Дрекслмајер“.

– Ја предложивме локацијата над Ваташкиот рид затоа што земјиштетот на овој терен е доста ерозивно. Со посадување на багремови садници ќе ја спречиме понатамошната ерозија и ќе го заштитиме ова подрачје, истакна раководителот на Подружницата за заштита на шумите, Петко Ристовски.