Владата одлучи: Еве кога ќе започне учебната година
Учебната 2015/2016 година ќе почне на 1 септември, како и во минатите години, одлучила Владата на вчерашната седница на која била разгледана иницијативата на хотелиерите летниот расуст да се продолжи до 15 септември поради слаби резултати во туристичката сезона во мај и јуни.
Заклучокот го соопшти заменик-министерот за образование и наука Спиро Ристовски кој рече дека тој произлегол од консултации со стручни лица од воспитно-образовниот процес и професори од педагошките факултети.
- Констатиравме дека во овој момент, безмалку триесетина дена до почетокот на новата учебна година, е предоцна да се прават какви било корекции. Го разбираме барањето и иницијативата на дел од туристичките работници, меѓутоа секогаш се водиме од најдобриот интерес на учениците. Учебната година, како и секогаш, ќе почне на 1 септември и апелирам до учениците и нивните семејства да си ги реализираат своите подготовки за почеток на наставата, рече Ристовски на прес-конференција.
Тој информираше и дека Владата ги задолжила министерствата за образование и наука и за економија во наредните месеци да направат подлабока анализа, секое од свој аспект, за ефектите од евентуална промена во начинот на организација на учебната.
Ново на Сител
-
Сиљановска-Давкова на аудиенција кај папата Лав XIV и средба со италијанскиот претседател Mатарела
-
Филипче повторно повикува на лидерската средба и консензус за интеграциите, власта експресно одби
-
Чебрен и Галиште ќе се градат со пари од британскиот заем
-
Африм Фидани нов претседател на Врховниот суд, Иван Џолев од Кривичен се сели во Апелација
-
Обвинителството ќе ги контактира пациентите и семејствата на починати кај чии медицински истории беше утврдено несовесно лекување
-
Државата да не губи време кога ќе добие аларм за исчезнато дете
-
СДСМ и министерот Тошковски за тендерот за полициски униформи
-
Вината на Монтеко го освојуваат светот