Викендов пороен дожд и грмежи - еве какво ќе биде времето од утре

Времето вечерва во централните делови на земјата ќе биде ведро, а само мала облачност ќе има во првиот дел од ноќта. Понекаде ќе има слаб променлив ветер, информира УХРМ.

Времето утре ќе биде сончево и топло со мала до умерена облачност. Попладне во западните и јужните делови ќе има појава на краткотраен локален дожд и грмежи. Вредноста н УВ-индексот ќе биде 7. Утринските температури ќе се движато од 9 до 16, а дневните од 27 до 32 степена.

Во Скопје ќе биде сончево и топло со мала до умерена облачност. Попладне малку ќе има зголемена облачноста. Температурата ќе се движи од 14 до 31 степен.

До петок во попладневните делови од денот и особено во крајните западни и јужни делови ќе има локална појава на краткотраен пороен дожд и ретки грмежи, а во петок ќе има и зголемување на облачноста.

Во деновите од викендот на повеќе места ќе биде нестабилно со пороен дожд и грмежи, а локално се очекуваат и поинтензивни процеси.

До петок кога ќе биде и најтопло дневните температурите ќе бидат во благ пораст.